سر نجاح إعلان EG BANK

أسرع طريقة للوصول لقلب الراجل هو معدته لكن اسرع طريقة للوصول لقلب العميل هو عقله

عشان توصل فكرتك او تعلن عن منتج او تبيع صابون سايل حتي لازم تدرس العميل بتاعك كويس بهدف انك تعرف مشكلته الحقيقية او بشكل أوضح هو بيعاني من ايه ومش شرط معاناته في تعملاته في البيع والشراء بس لا مشاكله في الحياه عمتاً, وبعد متعرف مشكلته تواجهه بيها بس بالأسلوب الي هو حابب يسمعه او بالأسلوب الي بيعبر عن فكره. حابب يقوله بس مش عارف يصيغه تيجي انت تلفله مشكلته لفة هدايا وتدهاله بقي في جيبك يا معلم

بيتفاعل معاك لانه شايفك فاهمه اكتر من نفسه وبتعرف توصف مشكلته الحقيقه بشكل هو نفسه مش قادر يوصله

"اضربه يا أوفااا ... ده قدك ده ده عيل صغير ... هو مين ده الي صغير"

الـ Agancy  الي عملت لـ EG Bank حملتة الرمضانيه الموسم ده  اشتغلت علي موضوع الـ Pain  و الـ Gain  ده في الحملة والي كلنا بقينا نستني الموقف الجديد سواء كنا حابين الفكره او لا  قدر يوصل للـ Pain  الرئيسي عند الشباب في سن معين وسط اسرتهم والمجتمع ووصله بطريقه اكتر من رائعه وكانو كمان موفقين في اختيار الشخصيات الي عملت الأعلان بشكل كبير

انا شايف ان الأعلان نجح انه يحقق 3 حجات

1 – عرف التارجيت بتاعه كويس اوي  

2 - قدر يصيغ اكبر مشكله بيعاني منها الشباب في مصر مع اهاليهم بشكل يجبر أي شاب وخصوصاً الولاد انهم يتفاعلوا مع الأعلان تفاعل ايجيابي للمؤسسه

3 - في الأخر قدر يربط المشكلة الي بيظهرها والي ملهاش أي علاقه بالمنتج الي بيقدمه بالأنظمه الي بيعلن عنها بشكل Creative

طيب الي حصل ده كله الصراحه مش هيخليني اول مشوف الأعلان اروح رايح اقرب فرع افتح حساب خااالص,

كل الحكايه انه بيكون عندي قناعات عن طريق تتابع المواقف والثبات علي نفس الميسدج فبعد أي فتره زمنيه بيظهر قصادي اسم البانك علي طول بتظهر الجملة دي في عقلي "انت محدش بيعملك حساب احنا عملنالك بنك"

وأول متفكر انك تفتح حساب ده أول بنك عقلك هيرشحهولك وهيفضل يقولك انه ده انسب حل ليك لانه اكتر واحد فاهم مشكلتك وبالتالي فهو اكتر واحد قادر يحلها وبتسقط الكلام ده بقي علي جميع المشكال الي ممكن تتعرضلها في التعاملات

يعني هتلاقي نفسك بتقول اكيد لو رحت عندهم بدماغهم دي مش هلاقي ابله عفت بتقولي اطلع الدور الرابع امضي ورقه وتعالي بكره او السيستم واقع وهكذا

بسييييييطه

شوية kaywords  بقي نقدر نطلع بيهم وبمفهومهم من الفيديو ده

1 – الـ word of mouth  وده معناه انك تجعل العميل بتاعك هو نفسه بقي promoter  ليك وده  اعلان Eg bank  عمله ونجح فيه

2 – الـ Word of mouth عند الـ experts  انك تخلي كمان الي فاهمين تسويق او خبرا في المجال ده يبدأو يحللو الأعلان ويتكلمو عنه في شرحهم لأي نظرية تسويقية ومش بعيد تلاقي نفسك مثال في كتاب تعليمي في يوم من الأيام بيطبق عليك نظرية اتخدت من فكرتك اساساً

3 – وده اهمهم الـ Viral Content  وده جاي من viruse  او عدي وهو انك تعرض محتوي ينتشر بشكل سريع علي السوشال مديا او اوفلاين وعشان الموضوع ده كبير جدا هعمل عنه برنامج كامل مكون من 5 او 6 حلقات قريب باذن الله

أخيرا الـ Research  في الـ customer behavior  ودي بداية أي نتيجة كويسه وهو انك تعرف توصل للـمشكلة او تعرف تخلقها كمان وده هيكون موضوع الفيديو الجاي ان شاء الله  

لو عاوز يوصلك كل جديد اعمل سابسكريب للـ channel   

لينك قناة اليوتيوب

 ولو شايف ان المحتوي ده مفيد لغيرك اعمل شير

وربنا يديم دقات قلوبكم بكل فرحة ونجاح.
البروفايل الشخصي علي فيس بوك: https://www.facebook.com/ahmedothman95
الصفحة الرسمية: https://www.facebook.com/aboelkhedod